തിരുവനന്തപുരം: മുഖ്യമന്ത്രി പിണറായി വിജയന്റെ മകന് വിവേക് കിരണിന് ഇഡി(എന്ഫോഴ്സ്മെന്റ് ഡയറക്ടറേറ്റ്) നോട്ടീസയച്ചത് പാര്ട്ടിക്കു പോലുമറിയാത്ത രഹസ്യം.
സാമ്പത്തിക ഇടപാടുകളുടെ വിശദാംശങ്ങള് തേടി മകന് വിവേകിന് ഇഡി അയച്ച നോട്ടീസ് പുറത്തു വന്നതിനു പിന്നാലെ ആരും ഒന്നും അറിഞ്ഞില്ലെന്ന പ്രതിരോധവുമായി സിപിഎം മന്ത്രിമാര് രംഗത്തെത്തിയിട്ടും വിഷയത്തില് മുഖ്യമന്ത്രി മൗനം തുടരുകയാണ്.
വിവേക് ഹാജരാകാതിരുന്നിട്ടും ഇഡി തുടര്നടപടികള് സ്വീകരിക്കാത്തത് ബിജെപി-സിപിഎം അന്തര്ധാരയുടെ ഭാഗമായുള്ള സെറ്റില്മെന്റിനെ തുടര്ന്നെന്ന പ്രതിപക്ഷ ആരോപണത്തിലും പാര്ട്ടിയോ മുഖ്യമന്ത്രിയോ പ്രതികരിച്ചിട്ടില്ലെന്നതും ശ്രദ്ധേയമാണ്.
2023 ഒക്ടോബര് 14 ന് കൊച്ചിയിലെ ഇഡി ഓഫീസില് ഹാജരാകണം എന്നാവശ്യപ്പെട്ടുകൊണ്ടാണ് ഇഡി അസിസ്റ്റന്റ് ഡയറക്ടര് മുഖ്യമന്ത്രിയുടെ മകന് വിവേക് കിരണിന് മുഖ്യമന്ത്രിയുടെ ഔദ്യോഗിക വസതിയായ ക്ലിഫ് ഹൗസ് വിലാസത്തില് നോട്ടീസയച്ചത്. എന്നാല് ഇത് മുഖ്യമന്ത്രിയുടെ ഔദ്യോഗിക വസതിയാണെന്നും വിവേക് ഇവിടെയല്ല താമസം എന്നും ചൂണ്ടിക്കാട്ടി നോട്ടീസ് തിരിച്ചയക്കുകയുമായിരുന്നെന്നാണ് പുറത്തു വരുന്ന വിവരം.
ആദ്യ നോട്ടീസ് കൈപ്പറ്റിയില്ലെങ്കില് തുടര് നോട്ടീസുകള് അയയ്ക്കാനും മൂന്നു നോട്ടീസുകള്ക്കു ശേഷം റെയ്ഡ് നടത്തി ആളെ അറസ്റ്റു ചെയ്യാനും രേഖകള് കണ്ടെത്താനുമുള്ള അധികാരം ഇഡിക്കുണ്ട്. എന്നാല് ആദ്യ നോട്ടീസിനു ശേഷം ഇഡി തുടര്നടപടികള് സ്വീകരിച്ചതായി വിവരമില്ല. മുഖ്യമന്ത്രിയുടെ മകന് വിവേക് കിരണ് ഇഡിക്കു മുന്നില് ഹാജരായോ എന്ന കാര്യത്തിലും വ്യക്തതയില്ല. ഇത് ദുരൂഹമാണെന്നാണ് പ്രതിപക്ഷമുയര്ത്തുന്ന വിമര്ശനം.
അനുബന്ധ വാർത്തകൾ
തീരദേശ ഹൈവേ പദ്ധതിയില് നിന്നു പിന്മാറണം: മുഖ്യമന്ത്രിക്ക് പ്രതിപക്ഷ നേതാവിന്റെ കത്ത്
തിരുവനന്തപുരം: നിർദിഷ്ട തീരദേശ ഹൈവേ പദ്ധതിയില് നിന്നും സര്ക്കാര് പിന്മാറണമെന്ന് ആവശ്യപ്പെട്ട് പ്രതിപക്ഷ നേതാവ് വി.ഡി. സതീശന് മുഖ്യമന്ത്രിക്ക് കത്ത് നല്കി. വികസനത്തെയല്ല, വികസനത്തിന്റെ പേരില് പാവങ്ങളെ ചൂഷണം ചെയ്ത് ഉന്മൂലനം ചെയ്യാനുള്ള ഭരണകൂടത്തിന്റെ […]
വയനാട് ദുരന്തം: കേന്ദ്ര റോഡ്-ഗതാഗത മന്ത്രാലയത്തെയും ദേശീയപാതാ അഥോറിറ്റിയെയും കക്ഷി ചേര്ത്തു
കൊച്ചി: വയനാട് ഉരുള്പൊട്ടല് ദുരന്തവുമായി ബന്ധപ്പെട്ട് ഹൈക്കോടതി സ്വമേധയാ എടുത്ത കേസില് കേന്ദ്ര റോഡ്-ഗതാഗത മന്ത്രാലയത്തെയും ദേശീയപാത അഥോറിറ്റിയെയും കക്ഷി ചേര്ത്തു. ദുരിതബാധിതരുടെ പുനരധിവാസം ഉറപ്പാക്കുന്ന കാര്യത്തിലടക്കം ശ്രദ്ധ പുലര്ത്തേണ്ടതുണ്ടെന്ന് കോടതി വ്യക്തമാക്കി. മഴക്കാലം […]
ജെസ്ന തിരോധാനം: ലോഡ്ജ് ജീവനക്കാരിയെ നുണപരിശോധനയ്ക്ക് വിധേയയാക്കാന് സിബിഐ
കോട്ടയം: ജെസ്നയെ ലോഡ്ജില് കണ്ടെന്ന വെളിപ്പെടുത്തല് നടത്തിയ മുന് ലോഡ്ജ് ജീവനക്കാരിയുടെ മൊഴി സിബിഐ പരിശോധിക്കുന്നു. ആവശ്യമെങ്കില് ഇവരെ നുണ പരിശോധനയ്ക്കു വിധേയമാക്കും. കേസുമായി ബന്ധപ്പെട്ടു മുന് കാലങ്ങളിൽ നിരവധി വെളിപ്പെടുത്തലുകള് ഉണ്ടായിട്ടുള്ള സാഹചര്യങ്ങള് […]