തിരുവനന്തപുരം: മുനന്പം ഭൂമി പ്രശ്നത്തിൽ ജുഡീഷൽ കമ്മീഷനെ വയ്ക്കാനുള്ള സർക്കാർ തീരുമാനത്തോട് പ്രതിപക്ഷത്തിന് കടുത്ത വിയോജിപ്പാ ണെന്നു പ്രതിപക്ഷ നേതാവ് വി.ഡി. സതീശൻ.
പത്തു മിനിറ്റുകൊണ്ടു സർക്കാരിന് തീർക്കാവുന്ന ഒരു വിഷയം മനഃപൂർവം വൈകിക്കുകയാണ്. ഇതിലൂടെ സമൂഹത്തിൽ ഭിന്നിപ്പുണ്ടാക്കാൻ ശ്രമിക്കുന്ന സംഘപരിവാർ ശക്തികൾക്കു സർക്കാർ തന്നെ അവസരം ഒരുക്കിക്കൊടുക്കുകയാണ്.
സർവകക്ഷി യോഗം വിളിക്കണമെന്ന പ്രതിപക്ഷത്തിന്‍റെ ആവശ്യം സർക്കാർ ഇതുവരെ അംഗീകരിച്ചിട്ടില്ല. ആരുമായും ആലോചിക്കാതെ ജുഡീഷൽ കമ്മീഷൻ എന്ന തീരുമാനം അടിച്ചേൽപ്പിച്ചതിലൂടെ സർക്കാരിനു ദുരുദ്ദേശ്യങ്ങൾ ഉണ്ടെന്നു വ്യക്തമായെന്നും സതീശൻ പറഞ്ഞു.