തിരുവനന്തപുരം: മുഖ്യമന്ത്രി പിണറായി വിജയന്റെ മകന് വിവേക് കിരണിന് ഇഡി(എന്ഫോഴ്സ്മെന്റ് ഡയറക്ടറേറ്റ്) നോട്ടീസയച്ചത് പാര്ട്ടിക്കു പോലുമറിയാത്ത രഹസ്യം.
സാമ്പത്തിക ഇടപാടുകളുടെ വിശദാംശങ്ങള് തേടി മകന് വിവേകിന് ഇഡി അയച്ച നോട്ടീസ് പുറത്തു വന്നതിനു പിന്നാലെ ആരും ഒന്നും അറിഞ്ഞില്ലെന്ന പ്രതിരോധവുമായി സിപിഎം മന്ത്രിമാര് രംഗത്തെത്തിയിട്ടും വിഷയത്തില് മുഖ്യമന്ത്രി മൗനം തുടരുകയാണ്.
വിവേക് ഹാജരാകാതിരുന്നിട്ടും ഇഡി തുടര്നടപടികള് സ്വീകരിക്കാത്തത് ബിജെപി-സിപിഎം അന്തര്ധാരയുടെ ഭാഗമായുള്ള സെറ്റില്മെന്റിനെ തുടര്ന്നെന്ന പ്രതിപക്ഷ ആരോപണത്തിലും പാര്ട്ടിയോ മുഖ്യമന്ത്രിയോ പ്രതികരിച്ചിട്ടില്ലെന്നതും ശ്രദ്ധേയമാണ്.
2023 ഒക്ടോബര് 14 ന് കൊച്ചിയിലെ ഇഡി ഓഫീസില് ഹാജരാകണം എന്നാവശ്യപ്പെട്ടുകൊണ്ടാണ് ഇഡി അസിസ്റ്റന്റ് ഡയറക്ടര് മുഖ്യമന്ത്രിയുടെ മകന് വിവേക് കിരണിന് മുഖ്യമന്ത്രിയുടെ ഔദ്യോഗിക വസതിയായ ക്ലിഫ് ഹൗസ് വിലാസത്തില് നോട്ടീസയച്ചത്. എന്നാല് ഇത് മുഖ്യമന്ത്രിയുടെ ഔദ്യോഗിക വസതിയാണെന്നും വിവേക് ഇവിടെയല്ല താമസം എന്നും ചൂണ്ടിക്കാട്ടി നോട്ടീസ് തിരിച്ചയക്കുകയുമായിരുന്നെന്നാണ് പുറത്തു വരുന്ന വിവരം.
ആദ്യ നോട്ടീസ് കൈപ്പറ്റിയില്ലെങ്കില് തുടര് നോട്ടീസുകള് അയയ്ക്കാനും മൂന്നു നോട്ടീസുകള്ക്കു ശേഷം റെയ്ഡ് നടത്തി ആളെ അറസ്റ്റു ചെയ്യാനും രേഖകള് കണ്ടെത്താനുമുള്ള അധികാരം ഇഡിക്കുണ്ട്. എന്നാല് ആദ്യ നോട്ടീസിനു ശേഷം ഇഡി തുടര്നടപടികള് സ്വീകരിച്ചതായി വിവരമില്ല. മുഖ്യമന്ത്രിയുടെ മകന് വിവേക് കിരണ് ഇഡിക്കു മുന്നില് ഹാജരായോ എന്ന കാര്യത്തിലും വ്യക്തതയില്ല. ഇത് ദുരൂഹമാണെന്നാണ് പ്രതിപക്ഷമുയര്ത്തുന്ന വിമര്ശനം.
അനുബന്ധ വാർത്തകൾ
അന്വറിനെ ഒറ്റപ്പെടുത്തണമെന്ന ചിന്ത യുഡിഎഫില് ആര്ക്കുമില്ല: കെ.സി.വേണുഗോപാല്
തിരുവനന്തപുരം: അൻവറിനെ ഒറ്റപ്പെടുത്തണമെന്ന നിലപാട് യുഡിഎഫിൽ ആർക്കുമില്ലെന്ന് എഐസിസി ജനറൽ സെക്രട്ടറി കെ.സി.വേണുഗോപാൽ. അൻവറിന്റെ വികാരത്തെ മാനിക്കണമെന്ന് തന്നെയാണ് കോൺഗ്രസിന്റെയും യുഡിഎഫിന്റെയും നിലപാടെന്ന് വേണുഗോപാല് പ്രതികരിച്ചു. വിഷയത്തിൽ സംസ്ഥാന നേതൃത്വവുമായി ചർച്ച നടത്തും. കമ്മ്യൂണിക്കേഷൻ […]
നിര്മല കോളജിനെതിരായ നീക്കം ഗൗരവതരം: സീറോമലബാര് പബ്ലിക് അഫയേഴ്സ് കമ്മീഷന്
കൊച്ചി: ക്രിസ്ത്യന് ന്യൂനപക്ഷ സ്ഥാപനങ്ങള്ക്കെതിരേ സംസ്ഥാനത്ത് സമീപകാലങ്ങളില് നടക്കുന്ന ആസൂത്രിതമായ മതവര്ഗീയ അധിനിവേശ ശ്രമങ്ങളുടെ ഒടുവിലത്തെ ഉദാഹരണമാണ് മൂവാറ്റുപുഴ നിര്മല കോളജില് നടന്നുകൊണ്ടിരിക്കുന്ന സംഭവവികാസങ്ങളെന്ന് സീറോ മലബാര് പബ്ലിക് അഫയേഴ്സ് കമ്മീഷന്. ഇവിടെ കഴിഞ്ഞദിവസങ്ങളില് […]
വിജ്ഞാനകേരളം പദ്ധതി ; തോമസ് ഐസക് പ്രതിഫലം പറ്റുന്നില്ലെന്ന് സര്ക്കാര്
കൊച്ചി: വിജ്ഞാനകേരളം പദ്ധതിയുടെ ഉപദേഷ്ടാവായി പ്രവര്ത്തിക്കുന്നതിന് മുന് മന്ത്രി ടി.എം. തോമസ് ഐസക് പ്രതിഫലം പറ്റുന്നില്ലെന്നില്ലെന്ന് സര്ക്കാര്. ഐസക്കിന്റെ നിയമനം ചോദ്യം ചെയ്ത് പൊതുപ്രവര്ത്തകന് പായിച്ചിറ നവാസ് സമര്പ്പിച്ച ഹർജിയിലാണ് വിശദീകരണം. സ്വന്തം വാഹനത്തിന് […]