കൊച്ചി: സീറോ മലബാര്‍ ലിറ്റര്‍ജിക്കല്‍ റിസേര്‍ച്ച് സെന്‍ററിന്‍റെ ആഭിമുഖ്യത്തിലുള്ള സെമിനാര്‍ കാക്കനാട് മൗണ്ട് സെന്‍റ് തോമസില്‍ നടന്നു.
മൂന്ന് ദിവസങ്ങളിലായി നടന്ന സെമിനാറില്‍ കേരളത്തിലെ സാമൂഹിക, ആത്മീയ, വിദ്യാഭ്യാസ മേഖലകളില്‍ ക്രിസ്ത്യന്‍ സമൂഹത്തിന്‍റെ ചരിത്രപരമായ പങ്കും സംഭാവനകളും അവലോകനം ചെയ്തു.
സീറോ മലബാര്‍ സഭ മേജര്‍ ആര്‍ച്ച് ബിഷപ് മാര്‍ റാഫേല്‍ തട്ടില്‍ സെമിനാര്‍ ഉദ്ഘാടനം ചെയ്തു. കേരളത്തിന്‍റെ സാമൂഹിക വികസന മാതൃക ക്രിസ്ത്യന്‍ പാരമ്പര്യത്തിന്‍റെ ആത്മീയ മൂല്യങ്ങളുമായി ബന്ധപ്പെട്ടിരിക്കുന്നുവെന്നും ക്രൈസ്തവ സമൂഹത്തിന്‍റെ ആത്മസമര്‍പ്പണവും സേവനമനോഭാവവുമാണ് സമൂഹപരിവര്‍ത്തനത്തിന്‍റെ അടിത്തറയായി നിലകൊണ്ടതെന്നും അദ്ദേഹം പറഞ്ഞു.
വിദ്യാഭ്യാസ, സാമൂഹിക സേവന രംഗങ്ങളിലുള്ള കത്തോലിക്കരുടെ ഇടപെടലുകളെ പ്രശംസിച്ച അദ്ദേഹം സഭ അതിന്‍റെ സാമൂഹിക സേവനപ്രവര്‍ത്തനങ്ങള്‍ തുടര്‍ന്നുകൊണ്ടുപോകാന്‍ കൂട്ടായ സഹകരണം ഉണ്ടാകണമെന്നും കൂട്ടിച്ചേർത്തു.
എല്‍ആര്‍സി ചെയര്‍മാന്‍ ബിഷപ് മാര്‍ ടോണി നീലങ്കാവില്‍ മുഖ്യപ്രഭാഷണം നടത്തി. സീറോ മലബാര്‍ സഭാ ചാന്‍സലര്‍ റവ. ഡോ. ഏബ്രഹാം കാവില്‍പുരയിടത്തില്‍, എല്‍ആര്‍സി എക്‌സിക്യൂട്ടീവ് ഡയറക്ടര്‍ റവ. ഡോ. ജോബിന്‍ കാഞ്ഞിരത്തിങ്കല്‍, തുടങ്ങിയവര്‍ സംസാരിച്ചു.
വിവിധ മേഖലകളില്‍ പ്രാവീണ്യം നേടിയ 12 വ്യക്തികള്‍ പ്രബന്ധങ്ങള്‍ അവതരിപ്പിച്ചു. സെമിനാറില്‍ ഗവേഷകര്‍, പുരോഹിതര്‍, സന്യാസിനികള്‍, വിദ്യാര്‍ഥികള്‍ തുടങ്ങിയവര്‍ പങ്കെടുത്തു.
സമാപനസമ്മേളനത്തില്‍ എല്‍ആര്‍സി ബോര്‍ഡ് മെംബര്‍ റവ. ഡോ. ജെയിംസ് പുലിയുറുമ്പില്‍ നന്ദി രേഖപ്പെടുത്തി.
അനുബന്ധ വാർത്തകൾ
ന്യൂഡൽഹി: പ്രധാനമന്ത്രി നരേന്ദ്ര മോദി ശനിയാഴ്ച വയനാട്ടിലെ ഉരുൾപൊട്ടൽ ദുരന്തബാധിത പ്രദേശം സന്ദർശിക്കും. സംസ്ഥാനസർക്കാർ പ്രതിനിധികളും ദുരിതബാധിതരും അടക്കമുള്ളവരുമായി സംസാരിച്ചശേഷം പ്രത്യേക ദുരിതാശ്വാസ പാക്കേജ് പ്രധാനമന്ത്രി പ്രഖ്യാപിച്ചേക്കുമെന്ന പ്രതീക്ഷയിലാണു കേരളം. സമാനതകളില്ലാത്ത വയനാട് ഉരുൾപൊട്ടൽ […]
ചേർത്തല: അർത്തുങ്കൽ തീരത്ത് അജ്ഞാത മൃതദേഹം അടിഞ്ഞു. അർത്തുങ്കൽ ഫിഷ് ലാൻഡിംഗ്‌ സെന്‍ററിന് സമീപം വിദേശ പൗരന്‍റേതെന്നു തോന്നിക്കുന്ന മൃതദേഹം ഇന്നലെ രാവിലെ 6.15ഓടെയാണ് തീരത്തടിഞ്ഞത്. ഏകദേശം 45- 50 വയസ് തോന്നിക്കുന്നതും വെളുത്ത […]
ഭോപ്പാല്‍: പ്രകൃതിദുരന്തത്തെ അഭിമുഖീകരിക്കേണ്ടി വന്ന കേരളത്തിനും ത്രിപുരയ്ക്കും 20 കോടി രൂപ വീതം ധനസഹായം വാഗ്ദാനം ചെയ്തു മധ്യപ്രദേശ് മുഖ്യമന്ത്രി മോഹന്‍ യാദവ്. ശ്രീകൃഷ്ണ ജയന്തിയോടനുബന്ധിച്ചാണ് മുഖ്യമന്ത്രി ഇരു സംസ്ഥാനങ്ങള്‍ക്കും ധനസഹായം പ്രഖ്യാപിച്ചത്. പ്രതിസന്ധിയില്‍നിന്നു […]