കൊച്ചി: സീറോ മലബാര് ലിറ്റര്ജിക്കല് റിസേര്ച്ച് സെന്ററിന്റെ ആഭിമുഖ്യത്തിലുള്ള സെമിനാര് കാക്കനാട് മൗണ്ട് സെന്റ് തോമസില് നടന്നു.
മൂന്ന് ദിവസങ്ങളിലായി നടന്ന സെമിനാറില് കേരളത്തിലെ സാമൂഹിക, ആത്മീയ, വിദ്യാഭ്യാസ മേഖലകളില് ക്രിസ്ത്യന് സമൂഹത്തിന്റെ ചരിത്രപരമായ പങ്കും സംഭാവനകളും അവലോകനം ചെയ്തു.
സീറോ മലബാര് സഭ മേജര് ആര്ച്ച് ബിഷപ് മാര് റാഫേല് തട്ടില് സെമിനാര് ഉദ്ഘാടനം ചെയ്തു. കേരളത്തിന്റെ സാമൂഹിക വികസന മാതൃക ക്രിസ്ത്യന് പാരമ്പര്യത്തിന്റെ ആത്മീയ മൂല്യങ്ങളുമായി ബന്ധപ്പെട്ടിരിക്കുന്നുവെന്നും ക്രൈസ്തവ സമൂഹത്തിന്റെ ആത്മസമര്പ്പണവും സേവനമനോഭാവവുമാണ് സമൂഹപരിവര്ത്തനത്തിന്റെ അടിത്തറയായി നിലകൊണ്ടതെന്നും അദ്ദേഹം പറഞ്ഞു.
വിദ്യാഭ്യാസ, സാമൂഹിക സേവന രംഗങ്ങളിലുള്ള കത്തോലിക്കരുടെ ഇടപെടലുകളെ പ്രശംസിച്ച അദ്ദേഹം സഭ അതിന്റെ സാമൂഹിക സേവനപ്രവര്ത്തനങ്ങള് തുടര്ന്നുകൊണ്ടുപോകാന് കൂട്ടായ സഹകരണം ഉണ്ടാകണമെന്നും കൂട്ടിച്ചേർത്തു.
എല്ആര്സി ചെയര്മാന് ബിഷപ് മാര് ടോണി നീലങ്കാവില് മുഖ്യപ്രഭാഷണം നടത്തി. സീറോ മലബാര് സഭാ ചാന്സലര് റവ. ഡോ. ഏബ്രഹാം കാവില്പുരയിടത്തില്, എല്ആര്സി എക്സിക്യൂട്ടീവ് ഡയറക്ടര് റവ. ഡോ. ജോബിന് കാഞ്ഞിരത്തിങ്കല്, തുടങ്ങിയവര് സംസാരിച്ചു.
വിവിധ മേഖലകളില് പ്രാവീണ്യം നേടിയ 12 വ്യക്തികള് പ്രബന്ധങ്ങള് അവതരിപ്പിച്ചു. സെമിനാറില് ഗവേഷകര്, പുരോഹിതര്, സന്യാസിനികള്, വിദ്യാര്ഥികള് തുടങ്ങിയവര് പങ്കെടുത്തു.
സമാപനസമ്മേളനത്തില് എല്ആര്സി ബോര്ഡ് മെംബര് റവ. ഡോ. ജെയിംസ് പുലിയുറുമ്പില് നന്ദി രേഖപ്പെടുത്തി.
അനുബന്ധ വാർത്തകൾ
തൃശൂർ: കരുവന്നൂർ തട്ടിപ്പു കേസിൽ വിചാരണ സെപ്റ്റംബറിൽ ആരംഭിക്കുമെന്നു സൂചന. ഇതിനു മുന്നോടിയായി പ്രതികൾക്കു സമൻസ് അയയ്ക്കുന്നതിനുള്ള നടപടികൾക്ക് ഉടൻ തുടക്കമാകും. ഇഡി കുറ്റപത്രം സമർപ്പിച്ച കേസിൽ സിപിഎം കേന്ദ്രകമ്മിറ്റിയംഗം കെ. രാധാകൃഷ്ണൻ എംപി, […]
കൽപ്പറ്റ: മുണ്ടക്കൈ ഉരുൾപൊട്ടൽ ദുരന്തത്തിൽ ഇനി കണ്ടെത്താനുള്ളത് 119 പേരെയെന്ന് ഔദ്യോഗിക കണക്കുകൾ. ഡിഎൻഎ പരിശോധനാ ഫലം കിട്ടിയതോടെയാണു കാണാതായവരെ സംബന്ധിച്ച കണക്കുകളിൽ വ്യക്തത വന്നിരിക്കുന്നത്. സർക്കാർ കണക്കുകൾ പ്രകാരം, കാണാതായവരുടെ പട്ടികയിൽ നേരത്തേ […]
കൊച്ചി: പൊതുസമൂഹത്തിനു മെച്ചപ്പെട്ട വിദ്യാഭ്യാസം നൽകുന്ന ക്രൈസ്തവ സ്ഥാപനങ്ങളെ തീവ്ര മതതാത്പര്യങ്ങൾക്കുള്ള വേദിയാക്കി മാറ്റാനുള്ള ഗൂഢവും നിരന്തരവുമായ ശ്രമം അനുവദിക്കില്ലെന്നു കത്തോലിക്ക കോൺഗ്രസ്. മൂവാറ്റുപുഴ നിർമല കോളജിലെ നിസ്കാര വിവാദത്തിനു ശേഷം ഇപ്പോൾ പൈങ്ങോട്ടൂർ […]