കൊച്ചി: മുനമ്പത്തെ ജനങ്ങളെ വഴിയാധാരമാക്കുന്ന വഖഫ് ബോര്‍ഡിന്‍റെ അന്യായമായ അവകാശവാദം ഉപേക്ഷിക്കണമെന്ന് കെസിബിസി വനിതാ കമ്മീഷന്‍ ആവശ്യപ്പെട്ടു.
ഇവിടുത്തെ ജനങ്ങൾ തങ്ങളുടെ സമ്പാദ്യം കൊടുത്തു വാങ്ങി കാലങ്ങളായി അനുഭവിച്ചുവരുന്ന വസ്തുക്കള്‍ വഖഫിന്‍റേതാണെന്ന തെറ്റായ പ്രചാരണം നടത്തുകയാണ് ചിലർ.
മുനമ്പം പ്രദേശത്തെ തീരദേശവാസികളായ 610 കുടുംബങ്ങളുടെ വസ്തുക്കള്‍ വഖഫിന്‍റേതാണെന്ന അവകാശവാദങ്ങള്‍ പൊള്ളയാണ്. സര്‍ക്കാര്‍ ഈ പ്രശ്‌നത്തില്‍ ഇടപെട്ട് പരിഹാരം കണ്ടെത്തണമെന്ന് കമ്മീഷന്‍ എക്‌സിക്യൂട്ടീവ് സെക്രട്ടറി ജയിന്‍ ആന്‍സില്‍ ഫ്രാന്‍സിസിന്‍റെ നേതൃത്വത്തില്‍ നടന്ന സംസ്ഥാനസമിതി ആവശ്യപ്പെട്ടു.