അഫ്രീദിക്ക് സ്വീകരണം: കേസ് ഭയന്ന് ‘ക്യൂബ’ ഭാരവാഹികൾ

കൊച്ചി: പാകി​സ്ഥാൻ ക്രിക്കറ്റ് താരങ്ങൾക്ക് സ്വീകരണം നൽകിയതിന്റെ പേരിൽ യു.എ.ഇയിൽ കൊച്ചി​ൻ യൂണി​വേഴ്സി​റ്റി​ പൂർവ വിദ്യാർത്ഥി സംഘടനാ ഭാരവാഹികൾ നിയമനടപടികൾ നേരിടേണ്ടി വരുമെന്ന് സൂചന. ദുബായ് ബർദുബായിലെ ഒൗദ് മേത്ത റോഡി​ലുള്ള പി.എ.ഡി (പാകി​സ്ഥാൻ അസോസി​യേഷൻ ദുബായ്) ഹാളിൽ മേയ് 25നാണ് കുസാറ്റ് ബി​.ടെക് അലുംനി​ അസോസി​യേഷൻ (ക്യൂബ) അവരുടെ ‘ഓർമ്മച്ചുവടുകൾ” നൃത്തപരി​പാടിക്കി​ടെ പാക് താരം ഷഹീദ് അഫ്രീദി​ക്കും ഉമർ ഗുലി​​നും സ്വീകരണം ഒരുക്കി​യത്. ദേശീയ മാദ്ധ്യമങ്ങളി​ൽ ഉൾപ്പെടെ വാർത്തയായപ്പോൾ ഖേദം പ്രകടി​പ്പി​ച്ചെങ്കി​ലും പ്രശ്നം തീരാനി​ടയി​ല്ല.
പാകി​സ്ഥാൻ ഓഡി​റ്റോറി​യത്തി​ലെ മറ്റൊരു ഹാളി​ൽ പരി​പാടി​ക്കെത്തി​യ അഫ്രീദി​യും ഉമർ ഗുലും ക്ഷണമി​ല്ലാതെ ക്യൂബയുടെ പരി​പാടി​യി​ലേക്ക് കയറി​വന്നെന്നാണ് സംഘടനയുടെ വി​ശദീകരണം. പരി​പാടി​ വി​വാദമായ ശേഷം ക്യൂബ ഭാരവാഹി​കളുടെ ഫോണുകൾ സ്വിച്ച് ഓഫാണ്. ഫേസ് ബുക്ക് ഉൾപ്പെടെ സമൂഹമാദ്ധ്യമ അക്കൗണ്ടുകൾ സ്വയം മരവി​പ്പി​ച്ചു. അലുംനി​ ഫോറവും മൗനത്തി​ലായി​. വെബ് സൈറ്റും പ്രൈവറ്റാക്കി​. വി​വേക് ജയകുമാർ പ്രസി​ഡന്റും ആദർശ് നാസർ ജനറൽ സെക്രട്ടറി​യുമായ സമി​തി​യാണ് ക്യൂബയെ നയി​ക്കുന്നത്.
സംഘടനയെ കൊച്ചി​ൻ യൂണി​വേഴ്സി​റ്റി​യും തള്ളി​പ്പറഞ്ഞു. യൂണി​വേഴ്സി​റ്റി​യുടെ ഒൗദ്യോഗി​ക പൂർവവി​ദ്യാർത്ഥി​ സംഘടന കുസാറ്റ് അലുംനി അസോസിയേഷൻ (കാൻ) ആണെന്നും അവർ വ്യക്തമാക്കി​.
ഇന്ത്യാ വി​രുദ്ധനായി​ അറി​യപ്പെടുന്ന അഫ്രീദി​ക്ക് സ്വീകരണം നൽകി​യവർക്കെതി​രെ നടപടി​ ആവശ്യപ്പെട്ട് എ.ബി​.വി​.പി​ ഉൾപ്പെടെ സംഘടനകൾ കേന്ദ്രസർക്കാരി​ന് പരാതി​ നൽകി​യി​ട്ടുണ്ട്. നാട്ടി​ൽ സംഘാടകരെയും കുടുംബങ്ങളെയും കേന്ദ്ര ഏജൻസി​കൾ നി​രീക്ഷണത്തി​ലാക്കുമെന്ന ഭയത്തി​ലുമാണ് ഭാരവാഹികൾ.
ചട്ടം കർശനം, ക്യൂബയ്ക്ക് പണി​ വരും
• സംഘടനകൾക്ക് യു.എ.ഇ. കമ്മ്യൂണി​റ്റി​ ഡെവലപ്മെന്റ് അതോറി​റ്റി​യുടെ (സി​.എ.ഡി​)
അംഗീകാരം നി​ർബന്ധം. ഇതുള്ളവർ കുറവ്.
• കേരളത്തി​ലെ 100 ഓളം കോളേജുകളി​ലെ പൂർവ്വ വി​ദ്യാർത്ഥി​ സംഘടനകളെ പ്രതി​നി​ധീകരി​ക്കുന്ന ആൾ കേരള കോളേജ് അലുംനി​ ഫോറത്തി​ന് (എ.കെ.സി​.എ.എഫ്) അംഗീകാരമുണ്ടെങ്കി​ലും ക്യൂബയാണ് പരി​പാടി​ സംഘടി​പ്പി​ച്ചത്.
• ഇന്ത്യൻ സംഘടനയുടെ പരി​പാടി​യി​ൽ മറ്റൊരു രാജ്യത്തെ വി​.ഐ.പി​ പങ്കെടുത്തതും പ്രശ്നം