ഭോപ്പാൽ: കേന്ദ്രമന്ത്രി ജോർജ് കുര്യൻ മധ്യപ്രദേശിൽനിന്നു രാജ്യസഭയിലേക്ക് എതിരില്ലാതെ തെരഞ്ഞെടുക്കപ്പെട്ടു. കേന്ദ്രമന്ത്രിയായ ജ്യോതിരാദിത്യ സിന്ധ്യ രാജിവച്ച സീറ്റിലാണ് ജോർജ് കുര്യൻ മത്സരിച്ചത്.
ജോർജ് കുര്യൻ ഉൾപ്പെടെ 12 പേരാണു എതിരില്ലാതെ തെരഞ്ഞെടുക്കപ്പെട്ടത്. ഇതിൽ ഒന്പതുപേർ ബിജെപിയിൽനിന്നുള്ളവരും രണ്ടുപേർ എൻഡിഎ സഖ്യകക്ഷികളിൽപ്പെട്ടവരുമാണ്. കോൺഗ്രസിന്‍റെ അഭിഷേക് സിംഗ്വി തെലുങ്കാനയിൽനിന്നു തെരഞ്ഞെടുക്കപ്പെട്ടു.
ഇതോടെ 245 അംഗ സഭയിൽ എൻഡിഎയുടെ അംഗബലം 112 ആയി. ഇന്ത്യ സഖ്യത്തിന് 85 അംഗങ്ങളാണുള്ളത്.