പെരിന്തല്‍മണ്ണ: പെരിന്തല്‍മണ്ണയില്‍ രാത്രി പോലീസ് നടത്തിയ പരിശോധനയില്‍ വില്‍പ്പനക്കായി സൂക്ഷിച്ച എംഡിഎംഎ ലഹരിമരുന്നുമായി യുവാവിനെ അറസ്റ്റ് ചെയ്തു. അങ്ങാടിപ്പുറം ചെരക്കാപറമ്പ് സ്വദേശി പട്ടാണി മുഹമ്മദ് ഹാരിസി(34) നെയാണ് പെരിന്തല്‍മണ്ണ എസ്ഐ ഷിജോ.സി.തങ്കച്ചനും സംഘവും അറസ്റ്റ് ചെയ്തത്. ജില്ലയില്‍ ടൗണുകള്‍ കേന്ദ്രീകരിച്ച് രാത്രിയില്‍ സിന്തറ്റിക് ലഹരിമരുന്നുകളുടെ ഉപയോഗവും വില്‍പ്പനയും നടക്കുന്നതായി എസ്പിക്ക് വിവരം ലഭിച്ചിരുന്നു. തുടര്‍ന്ന് പെരിന്തല്‍മണ്ണ ഡിവൈഎസ്പി സാജു.കെ.എബ്രഹാം, സിഐ സുമേഷ് സുധാകരന്‍ എന്നിവരുടെ നേതൃത്വത്തില്‍ പരിശോധന ശക്തമാക്കിയിരുന്നു.
പെരിന്തല്‍മണ്ണ പോലീസും ജില്ലാ ആന്‍റി നാര്‍കോട്ടിക് സ്ക്വാഡും നടത്തിയ പരിശോധനയിലാണ് യുവാവ് പിടിയിലായത്. പ്രതിയെ കോടതിയില്‍ ഹാജരാക്കി.