കിഴക്കൻ ഉഗാണ്ടയിൽ തിങ്കളാഴ്ച (ആഗസ്റ്റ് 19) മുസ്ലീം തീവ്രവാദികൾ വാളുകളുമായി മുസ്ലീങ്ങളെ ക്രിസ്തുവിലേക്ക് നയിച്ചതിന് ഒരു ക്രൈസ്തവ വചന പ്രഘോഷകനെ ക്രൂരമായി കൊലപ്പെടുത്തി.
ഉഗാണ്ടയിലെ ബുഡക ജില്ലയിലെ മുഗിതി സബ് കൗണ്ടിയിലെ നയാൻസ നോർത്ത് സോണിലെ നിയാൻസ ഗ്രാമത്തിൽ ആണ് സംഭവം. തന്റെ ജന്മനാടായ നിയാൻസ ഗ്രാമത്തിലെ വീട്ടിലേക്ക് സൈക്കിളിൽ മടങ്ങുകയായിരുന്ന യോവാബു സെബകാക്കിയെ ഇസ്ലാമിക തീവ്രവാദികൾ ആക്രമിക്കുകയായിരുന്നു. അദ്ദേഹത്തിന് 52 വയസ്സായിരുന്നു.
ജൂലൈയിലും മുസ്‌ലിംകൾ സെബകാക്കിക്ക് ഭീഷണി സന്ദേശങ്ങൾ അയച്ചിരുന്നു. “നിങ്ങൾ നടത്തുന്ന ചില രഹസ്യ കൂടിക്കാഴ്ചകളെക്കുറിച്ച് ഞങ്ങൾക്കറിയാം. ഞങ്ങളുടെ വിശ്വസ്തരായ മുസ്ലീങ്ങളെ ക്രിസ്തുമതത്തിലേക്ക് പരിവർത്തനം ചെയ്യുന്നതിനൊപ്പം നിങ്ങൾ പ്രസംഗിക്കുന്നതും അവസാനിപ്പിക്കണം, ഇല്ലെങ്കിൽ, ഉടൻ തന്നെ ഞങ്ങൾ നിങ്ങളുടെ ജീവിനെടുക്കാൻ വരുന്നു,” എന്നായിരുന്നു അതിലൊരു സന്ദേശമെന്ന് സന്ദേശങ്ങൾ ഫോണിലേക്ക് പകർത്തിയ ഭാര്യ നമ്പലുക സെബകാക്കി പറഞ്ഞു.
പുതുതായി ക്രൈസ്തവ വിശ്വാസത്തിലേക്ക് കടന്നു വന്നവർക്കായി ഒരു ക്ലാസ്സ് എടുത്ത ശേഷം സെബാകാക്കിയെ എൻകോംബയുടെ സൈക്കിളിൽ ഡേവിഡ് എൻകോംബ വീട്ടിലേക്ക് കൊണ്ടുപോകുകയായിരുന്നു.
ഞങ്ങൾ വീട്ടുവളപ്പിൽ നിന്ന് ഏകദേശം അഞ്ച് കിലോമീറ്റർ അകലെയുള്ളപ്പോൾ, ഏകദേശം 6:20 ന്. ഞങ്ങളുടെ തൊട്ടുപിന്നിൽ ഒരു മോട്ടോർസൈക്കിൾ വന്നു നിമിഷങ്ങൾക്കുള്ളിൽ സെബകാക്കിയെ കഴുത്തിന് പിന്നിൽ ഒരു ‘പംഗ’ [നീണ്ട സൊമാലിയൻ വാൾ] ഉപയോഗിച്ചു വെട്ടി വീഴ്ത്തുകയായിരുന്നു. എൻകോംബ മോണിംഗ് സ്റ്റാർ ന്യൂസ്നോട് പറഞ്ഞു.
നിങ്ങളുടെ സമയം വന്നിരിക്കുന്നു, നിങ്ങളുടെ ദൈവം നിങ്ങളെ രക്ഷിക്കുമെങ്കിൽ കഠിനമായി പ്രാർത്ഥിക്കുക – ഈസ [യേശു] നൽകിയ മരണാനന്തര ജീവിതത്തെക്കുറിച്ച് പറഞ്ഞുകൊണ്ട് നിങ്ങൾ ആളുകളെ വഞ്ചിക്കുകയാണ്,” മറ്റ് ആക്രമണകാരികൾ ആക്രോശിച്ചതായി എൻകോംബ പറഞ്ഞു.
ഞാൻ അവിടുന്ന് രക്ഷപ്പെട്ടെങ്കിലും അക്രമികളിൽ ഒരാളെ തിരിച്ചറിയാൻ എനിക്ക് കഴിഞ്ഞു എംബാലെയിലെ അറിയപ്പെടുന്ന തീവ്ര മുസ്ലീം യുവാവായ റാഷിദ് സിരിമാൻ എന്ന യുവാവാണ് അത്.
അയൽക്കാർ സ്ഥലത്തെത്തി സെബകാക്കിയെ എംബാലെയിലെ ആശുപത്രിയിലേക്ക് കൊണ്ടുപോയെങ്കിലും, വഴിമധ്യേ മരിച്ചുവെന്ന് ഭാര്യ പറഞ്ഞു.
References