ദുബായ്: ഇറാനിലെ നതാൻസ് സന്പുഷ്ടീകരണ കേന്ദ്രത്തിനു നേർക്കുണ്ടായ ഇസ്രേലി വ്യോമാക്രമണങ്ങളിൽ ഭൂഗർഭ അറയിൽ സൂക്ഷിച്ചിരുന്ന സെൻട്രിഫ്യൂജുകൾക്കു തകരാർ സംഭവിച്ചിരിക്കാൻ സാധ്യതയുണ്ടെന്നു യുഎൻ ആണവോർജ ഏജൻസി.
രാജ്യത്തെ പ്രധാന ആണവസന്പുഷ്ടീകരണ കേന്ദ്രമാണ് നതാൻസിലേത്. വെള്ളിയാഴ്ചയുണ്ടായ ആക്രമണങ്ങൾക്കു ശേഷം ശേഖരിച്ച ഹൈ റെസല്യൂഷൻ സാറ്റലൈറ്റ് ചിത്രങ്ങൾ ഏജൻസി വിശകലനം ചെയ്തിരുന്നു.
കൂടാതെ, ഭൂമിക്കു മുകളിലുള്ള സന്പുഷ്ടീകരണ ഹാളും അവിടേക്കു വൈദ്യുതി എത്തിച്ചിരുന്ന ഉപകരണങ്ങളും നശിപ്പിക്കപ്പെട്ടിട്ടുണ്ട്.