ഇസ്‌ലാമാബാദ്: ഓപ്പറേഷൻ സിന്ദൂറിന്റെ ഭാഗമായി ഇന്ത്യൻ ബാലിസ്റ്റിക് മിസൈലുകൾ പാകിസ്ഥാനിലെ വിവിധ കേന്ദ്രങ്ങളിൽ ആക്രമണം നടത്തിയതായി പരസ്യമായി സമ്മതിച്ച് പാക് പ്രധാനമന്ത്രി ഷെഹ്‌ബാസ് ഷെരീഫ്. മേയ് ഒൻപതിനും പത്തിനും ഇടയിലെ രാത്രിയിലാണ് പാകിസ്ഥാൻ കേന്ദ്രങ്ങളെ ലക്ഷ്യമിട്ട് ഇന്ത്യൻ മിസൈലുകളെത്തിയത്. അസർബൈജാനിലെ ഒരു പരിപാടിയിൽ സംസാരിക്കവേയാണ് ഷെഹ്‌ബാസ് ഷെരീഫിന്റെ പരാമർശം.
‘മേയ് ഒൻപതിനും പത്തിനും ഇടയിലെ രാത്രിയിൽ, ഇന്ത്യൻ ആക്രമണങ്ങൾക്ക് നിശ്ചിത അളവിൽ മറുപടി നൽകാൻ തീരുമാനിച്ചിരിക്കുകയായിരുന്നു ഞങ്ങൾ. ഇന്ത്യയെ പാഠം പഠിപ്പിക്കാൻ ഫജിർ പ്രാർത്ഥനയ്ക്കുശേഷം പുലർച്ചെ 4.30ന് ആക്രമണം നടത്താൻ തയ്യാറായി ഇരിക്കുകയായിരുന്നു സൈന്യം. എന്നാൽ അതിനുമുൻപ് ബ്രഹ്‌മോസ് ഉപയോഗിച്ച് ഇന്ത്യ മിസൈൽ ആക്രമണം നടത്തി. റാവൽപിണ്ടി വിമാനത്താവളം ഉൾപ്പെടെ വിവിധ കേന്ദ്രങ്ങൾ തകർത്തു’- പാകിസ്ഥാൻ പ്രധാനമന്ത്രി പറഞ്ഞു.
പഹൽഗാം ഭീകരാക്രമണത്തിന് പിന്നാലെ ഇന്ത്യ ആക്രമണം നടത്തിയതായി നേരത്തെയും ഷെഹ്‌ബാസ് ഷെരീഫ് പരസ്യമായി സമ്മതിച്ചിരുന്നു. മേയ് പത്തിന് പുലർച്ചെ നൂർ ഖാൻ വ്യോമത്താവളം ഉൾപ്പെടെ പാകിസ്ഥാനിലെ വിവിധ സ്ഥലങ്ങൾ ലക്ഷ്യമിട്ട് ഇന്ത്യൻ ബാലിസ്റ്റിക് മിസൈലുകൾ ആക്രമണം നടത്തിയതായാണ് അദ്ദേഹം സ്ഥിരീകരിച്ചത്. ഇസ്‌ലാമാബാദിൽ നടന്ന ഒരു ചടങ്ങിൽ സംസാരിക്കവേയായിരുന്നു വെളിപ്പെടുത്തൽ. ഇന്ത്യ നടത്തിയ മിസൈൽ ആക്രമണത്തെക്കുറിച്ച് ആർമി ചീഫ് ജനറൽ സയ്യിദ് അസിം മുനീർ പുലർച്ചെ 2:30 ന് വിളിച്ച് അറിയിച്ചതായും ഷെരീഫ് പറഞ്ഞിരുന്നു.
അനുബന്ധ വാർത്തകൾ
ഓപ്പറേഷൻ സിന്ദൂറിനിടെ ഇന്ത്യയ്ക്കു പോർവിമാനം നഷ്ടമായെന്നു സംയുക്ത സേനാ മേധാവി
ന്യൂഡൽഹി: ഓപ്പറേഷൻ സിന്ദൂറിനിടെ ഇന്ത്യയ്ക്കു പോർവിമാനം നഷ്ടമായെന്നു സംയുക്ത സേനാ മേധാവി അനിൽ ചൗഹാൻ. അതിനു ശേഷം ഇന്ത്യ യുദ്ധതന്ത്രം മാറ്റിയെന്നും ശക്തമായി തിരിച്ചടിച്ചെന്നും ഒരു രാജ്യാന്തര മാധ്യമത്തിനു നൽകിയ അഭിമുഖത്തിൽ അനിൽ ചൗഹാൻ […]
നിരക്കുകൾ പ്രഖ്യാപിച്ച് വിഴിഞ്ഞം തുറമുഖം
തിരുവനന്തപുരം: വിഴിഞ്ഞം അന്താരാഷ്ട്രാ തുറമുഖപ്രവർത്തനത്തിന്‍റെ ഭാഗമായി തുറമുഖത്ത് കപ്പലുകളും ചരക്കും എത്തിക്കുന്നതിനുള്ള നിരക്കുകൾ പ്രഖ്യാപിച്ചു. കൊച്ചിയെക്കാൾ കുറഞ്ഞനിരക്കാണ് വിഴിഞ്ഞത്ത് ഈടാക്കുന്നത്. തുറമുഖത്ത് അടയ്ക്കേണ്ട നിശ്ചിതചാർജുകളുൾപ്പെടുന്ന പോർട്ട് ഡ്യൂസ്, കപ്പലുകൾ പുറങ്കടലിൽനിന്ന് തുറമുഖത്തേക്ക്‌ എത്തിക്കാനുള്ള പൈലറ്റേജ് […]
സാന്ത്വനവുമായി മാർ ജോസഫ് പാംപ്ലാനി
കൽപ്പറ്റ: ഉരുൾപൊട്ടൽ തുടച്ചുനീക്കിയ മുണ്ടക്കൈ, ചൂരൽമല ഗ്രാമങ്ങളിൽനിന്നു ദുരിതാശ്വാസ ക്യാന്പുകളിലെത്തിയവർക്കു സാന്ത്വനവുമായി തലശേരി ആർച്ച്ബിഷപ് മാർ ജോസഫ് പാംപ്ലാനി. ദുരിതാശ്വാസ ക്യാന്പുകളിൽ മൂന്നെണ്ണം പ്രവർത്തിക്കുന്ന മേപ്പാടിയിൽ ഇന്നലെ ഉച്ചയോടെ എത്തിയ അദ്ദേഹം ദുരന്തബാധിതരെ സന്ദർശിച്ചു. […]