ന്യൂഡൽഹി: രാജ്യത്തെ വിവിധ ഭീകരവാദ പ്രവര്‍ത്തനങ്ങളില്‍ പങ്കുള്ള ഐസ്ഐഎസ് ഭീകരന്‍ റിസ്വാന്‍ അലി ഡല്‍ഹിയില്‍ പിടിയില്‍. വെള്ളിയാഴ്ച പുലര്‍ച്ചെ ഡല്‍ഹി പോലീസിന്‍റെ പ്രത്യേക വിഭാഗമാണ് ഇയാളെ പിടികൂടിയത്. ഇയാളുടെ പക്കല്‍നിന്ന് പോലീസ് ആയുധങ്ങളും കണ്ടെടുത്തു.
പൂന ഐസ്ഐഎസ് മൊഡ്യൂളിലെ അംഗമാണ് അലി. പൂന പോലീസിന്‍റെ കസ്റ്റഡിയില്‍ നിന്ന് രക്ഷപെട്ട ഇയാളെ പിന്നീട് കണ്ടെത്താനായിരുന്നില്ല.
അലിയെ അറസ്റ്റ് ചെയ്യാന്‍ എന്‍ഐഎ നേരത്തേ വാറണ്ട് പുറപ്പെടുവിച്ചിരുന്നു. ഇയാളെ പിടികൂടാന്‍ സഹായിക്കുന്നവര്‍ക്ക് എന്‍ഐഎ മൂന്ന് ലക്ഷം രൂപ പാരിതോഷികവും പ്രഖ്യാപിച്ചിരുന്നു.