തിരുവനന്തപുരം: വയനാടിനായുള്ള സാലറി ചലഞ്ചിന്‍റെ പേരിൽ ഐഎഎസ് ഉദ്യോഗസ്ഥരുടെ ഓഗസ്റ്റ് മാസത്തിലെ ശന്പളത്തിൽനിന്നു തുക പിടിക്കരുതെന്ന് അഭ്യർഥിച്ച് ഐഎഎസ് അസോസിയേഷൻ ധന സെക്രട്ടറിക്കു കത്തു നൽകി.
അഞ്ചു ദിവസത്തെ ശന്പളം പിടിക്കുന്നതുമായി ബന്ധപ്പെട്ടു മുഖ്യമന്ത്രി പിണറായി വിജയൻ സർവീസ് സംഘടനകളുടെ യോഗം വിളിച്ചപ്പോൾ, ഐഎഎസ് അസോസിയേഷനുമായി ചർച്ച നടത്തിയിരുന്നില്ല.
ഇതിനാൽ, ഇക്കാര്യത്തിൽ ഐഎഎസ് അസോസിയേഷന് ഏകാഭിപ്രായം രൂപീകരിക്കാനായില്ല. ഏകാഭിപ്രായം രൂപീകരിച്ച ശേഷം ഇക്കാര്യത്തിലുള്ള തീരുമാനം സർക്കാരിനെ അറിയിക്കാമെന്നും കത്തിൽ വ്യക്തമാക്കിയിട്ടുണ്ട്.
അതേസമയം, ഏതാനും ഐഎഎസ് ഉദ്യോഗസ്ഥർ ശന്പളത്തിന്‍റെ ഒരു ഭാഗം വയനാട് പുനർ നിർമാണത്തിനായി നൽകിയിട്ടുണ്ട്.
