തിരുവനന്തപുരം: അങ്കമാലി – ശബരിമല, തിരുനാവായ – ഗുരുവായൂര്‍ റെയില്‍വേ ലൈനുകള്‍ക്കായി 2025-26 സാമ്പത്തിക വര്‍ഷത്തില്‍ വകയിരുത്തിയിരുന്ന തുകകളില്‍ ഗണ്യമായ വിഹിതം പിന്‍വലിക്കണമെന്ന് റെയില്‍വേ ബോര്‍ഡിനോട് ശിപാര്‍ശ ചെയ്ത ദക്ഷിണ റെയില്‍വേയുടെ നടപടിയില്‍ ശക്തമായ എതിര്‍പ്പ് പ്രകടിപ്പിച്ച് ഡോ. ജോണ്‍ ബ്രിട്ടാസ് എംപി.
ബജറ്റില്‍ കേരളത്തിലെ റെയില്‍വേ പദ്ധതികള്‍ക്കായി വകയിരുത്തിയിരുന്ന തുക പിന്‍വലിക്കുന്നതിനുള്ള ദക്ഷിണ റെയില്‍വേയുടെ ഈ നീക്കം തള്ളിക്കളയണമെന്ന് ആവശ്യപ്പെട്ട് കേന്ദ്ര റെയില്‍വേ മന്ത്രിക്കും റെയില്‍വേ ബോര്‍ഡ് ചെയര്‍മാനും ബ്രിട്ടാസ് കത്തെഴുതി.
