കൊച്ചി: അസംഘടിത തൊഴിലാളികളുടെ പ്രശ്‌നങ്ങള്‍ പരിഹരിക്കാന്‍ കൂട്ടായ പ്രവര്‍ത്തനം ആവശ്യമാണെന്ന് മന്ത്രി പി. രാജീവ്. എറണാകുളം ടൗണ്‍ ഹാളില്‍ കേരള ലേബര്‍ മൂവ്‌മെന്‍റ് സുവര്‍ണജൂബിലി സമാപന സമ്മേളനം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
പെന്‍ഷന്‍ തുക 2500 രുപയായി വര്‍ധിപ്പിക്കുക, കുടിശികയില്ലാതെ പെന്‍ഷന്‍ വിതരണം ചെയ്യുക, ആനുകൂല്യങ്ങള്‍ വിതരണം ചെയ്യുക, ക്ഷേമനിധി ഓഫീസില്‍ ആവശ്യമായ സ്റ്റാഫിനെ നിയമിക്കുക, ഗാര്‍ഹിക തൊഴിലാളികള്‍ക്കായി ക്ഷേമനിധി പുനരാരംഭിക്കുക തുടങ്ങിയ ആവശ്യങ്ങള്‍ സമ്മേളനം പ്രമേയത്തിലൂടെ ഉന്നയിച്ചു.