തൊടുപുഴ: ആറന്മുള വിഷയത്തിൽ തന്‍റെ നിലപാടിൽ മാറ്റമില്ലെന്ന് മന്ത്രി പി. പ്രസാദ്. പോലീസ് അസോസിയേഷൻ സംസ്ഥാന സമ്മേളനത്തിൽ പങ്കെടുക്കാനെത്തിയ മന്ത്രി മാധ്യമങ്ങളോടു പ്രതികരിക്കുകയായിരുന്നു. വിമാനത്താവള വികസന പദ്ധതിയെ എതിർക്കുന്നില്ല.
നെൽവയലും തണ്ണീർത്തടവും നികത്തുന്നതിനെയാണ് എതിർക്കുന്നത്. നെൽവയൽ തണ്ണീർത്തട സംരക്ഷണ നിയമത്തിന്‍റെ ലംഘനമായിരുന്നു ആ പദ്ധതി.കണ്ടെത്തിയ ഭൂമി ഡേറ്റാ ബാങ്കിൽ ഉൾപ്പെടുന്നതാണ്. കെട്ടിടങ്ങളുടെ നിർമാണം മാത്രമല്ല വികസനം. ഇക്കാര്യത്തിൽ പാർട്ടിയിൽ ആശയക്കുഴപ്പമില്ല. പാർട്ടിയിൽ ഈ വിഷയം ചർച്ച ചെയ്തിട്ടില്ലെന്നും മന്ത്രി പറഞ്ഞു.