ലക്നോ: യുപിയിൽ ദളിത് വിഭാഗക്കാരിയായ നഴ്സിനെ ആശുപത്രിയിൽ ഡോക്ടർ ബലാത്സംഗം ചെയ്തു. ഞായറാഴ്ച അർധരാത്രിയായിരുന്നു സംഭവം. ഇരുപതുകാരിയായ നഴ്സിനെ ബന്ദിയാക്കിയശേഷമായിരുന്നു ഡോക്ടർ ഷാനവാസ് പീഡിപ്പിച്ചത്. നഴ്സിന്‍റെ പരാതിയിൽ മൂന്നു പേരെ അറസ്റ്റ് ചെയ്തു.
ശനിയാഴ്ച രാത്രി ഏഴിനാണ് നഴ്സ് ആശുപത്രിയിൽ ഡ്യൂട്ടിക്കെത്തിയത്. അർധരാത്രിയായതോടെ മറ്റൊരു നഴ്സായ മെഹ്‌നാസ്, ഡോക്ടർ ഷാനവാസിന്‍റെ മുറിയിലേക്കു ചെല്ലാൻ യുവതിയോട് ആവശ്യപ്പെട്ടു.
വിസമ്മതിച്ച നഴ്സിനെ മെഹ്‌നാസും വാർഡ് ബോയി ജുനൈദും ചേർന്ന് ആശുപത്രിയിലെ മുകൾ നിലയിലെ മുറിയിലടച്ചു. തുടർന്ന് ഡോ. ഷാനവാസ് മുറിയിൽ പ്രവേശിച്ച് നഴ്സിനെ ബലാത്സംഗം ചെയ്തു. കൊല്ലുമെന്നു ഭീഷണിപ്പെടുത്തിയതായും ജാതി അധിക്ഷേപം നടത്തിയതായും പരാതിയുണ്ട്.