ധാക്ക: ഇന്ത്യയിലുള്ള മുൻ പ്രധാനമന്ത്രി ഷേഖ് ഹസീനയെ വിചാരണയ്ക്കായി കൈമാറണമെന്നു ബംഗ്ലാദേശ് നാഷണലിസ്റ്റ് പാർട്ടി (ബിഎൻപി) സെക്രട്ടറി ജനറൽ മിർസ ഫക്രുൾ ഇസ്‌ലാം ആലംഗീർ ആവശ്യപ്പെട്ടു.
ഹസീനയ്ക്ക് അഭയം നല്കിയ ഇന്ത്യ ജനാധിപത്യത്തോടുള്ള ഉത്തരവാദിത്വം മറന്നു. ഹസീനയെ വിചാരണ ചെയ്യണമെന്നാണ് ബംഗ്ലാ ജനതയുടെ ആഗ്രഹം- ആലംഗീർ കൂട്ടിച്ചേർത്തു.
വിദ്യാർഥി പ്രക്ഷോഭത്തിനൊടുവിൽ ഈ മാസം അഞ്ചിന് പ്രധാനമന്ത്രി പദം രാജി വച്ച ഷേഖ് ഹസീന ഇന്ത്യയിലേക്കു രക്ഷപ്പെടുകയായിരുന്നു.