കൊച്ചി: വയനാട് ഉരുള്‍പൊട്ടല്‍ ദുരന്തവുമായി ബന്ധപ്പെട്ട് ഹൈക്കോടതി സ്വമേധയാ എടുത്ത കേസില്‍ കേന്ദ്ര റോഡ്-ഗതാഗത മന്ത്രാലയത്തെയും ദേശീയപാത അഥോറിറ്റിയെയും കക്ഷി ചേര്‍ത്തു.
ദുരിതബാധിതരുടെ പുനരധിവാസം ഉറപ്പാക്കുന്ന കാര്യത്തിലടക്കം ശ്രദ്ധ പുലര്‍ത്തേണ്ടതുണ്ടെന്ന് കോടതി വ്യക്തമാക്കി.
മഴക്കാലം കഴിയും വരെ വയനാട്ടിലെ മണ്ണിടിച്ചില്‍ സാധ്യതയുള്ള എല്ലായിടങ്ങളിലെയും വിഷയവും പരിഗണനയിലുണ്ടാകുമെന്ന് ഡിവിഷന്‍ ബെഞ്ച് ഓര്‍മിപ്പിച്ചു.
