തിരൂര്‍: മലപ്പുറം തിരൂരില്‍ 12 ഗ്രാം എംഡിഎംഎയുമായി രണ്ട് യുവാക്കള്‍ അറസ്റ്റില്‍. എലത്തൂര്‍ സ്വദേശി പൂക്കാട്ട് വീട്ടില്‍ നവനീത്(25), കാരപ്പറമ്പ് സ്വദേശി പട്ടോത്ത് വീട്ടില്‍ അക്ഷയ്(29) എന്നിവരാണ് അറസ്റ്റിലായത്.
തിരൂര്‍ വാക്കാട് ഭാഗത്ത് നിന്നാണ് യുവാക്കള്‍ പിടിയിലായത്. ഡാന്‍സാഫ് സംഘവും തിരൂര്‍ പോലീസും ചേര്‍ന്നാണ് യുവാക്കളെ അറസ്റ്റ് ചെയ്തത്.
തിരൂര്‍ താനൂര്‍ ഭാഗങ്ങളില്‍ വിതരണത്തിന് കൊണ്ടുവന്നതാണ് മയക്കു മരുന്നെന്ന് പ്രതികളില്‍ നിന്നും വിവരം ലഭിച്ചു. ഈ ഭാഗങ്ങളില്‍ നിന്നുള്ള പ്രതികളുടെ കൂട്ടാളികളെ കണ്ടെത്തുന്നതിനായി അന്വേഷണം തുടരുന്നതായി പോലീസ് അറിയിച്ചു.