സ്ഥാനാർത്ഥി നിർണയം ബി.ഡി.ജെ.എസുമായി ആലോചിച്ച്: തുഷാർ

കോട്ടയം : നിലമ്പൂർ ഉപതിരഞ്ഞെടുപ്പിൽ ബി.ജെ.പി സ്ഥാനാർത്ഥിയെ തീരുമാനിച്ചത് ബി.ഡി.ജെ.എസിനോട് ആലോചിച്ച ശേഷമാണെന്ന് സംസ്ഥാന അദ്ധ്യക്ഷൻ തുഷാർ വെള്ളാപ്പള്ളി പറഞ്ഞു. ബി.ഡി.ജെ.എസ് സംസ്ഥാന കൗൺസിലിനു ശേഷം സംസാരിക്കുകയായിരുന്നു അദ്ദേഹം. നിലമ്പൂരിൽ മത്സരിക്കേണ്ട എന്നായിരുന്നു പാർട്ടി തീരുമാനം. മലയോര കർഷക പ്രതിനിധി എന്ന നിലയിലാണ് എൻ.ഡി.എ സ്ഥാനാർത്ഥിയെ കണ്ടെത്തിയത്. ക്രിസ്ത്യൻ വോട്ടുകൾ അടക്കം എല്ലാ സമുദായ വോട്ടുകളും എൻ.ഡി.എയ്ക്ക് കിട്ടുമെന്നും അദ്ദേഹം പറഞ്ഞു.